تعريف أم أحمد المصرية

أم أحمد المصرية ..مين هىَ ؟

أم أحمد هىَ المصـــريه
... أم أحمد رمز الوطنيه
أم أحمد هىَ أمك وأختك
...
وبنات الحاره الشعبيه
أم أحمد عاشت جوَّاىَ
وبتلبس يشمك وملايه
وساعات الفستان والبالطو
... أو طرحه وتحتيها عبايه
أم أحمد حكايات بالهيله
...
فلاحه وصعيديه أصيله
بدويه من فرع أصيل
ونوبيه شاربه من النيل
وساعات تتكلم بلسانهم
وساعات تبقى اسكندرانيه
* * *
أم أحمد لـمّـة أحباب
...
أم أحمد عزوه وأصحاب
يالله معايا أنت وهىّ
حانشوف مشاكلنا اليوميه
* * *
أم أحمد وعدى ومكتوبى
...
من قلب زينات القليوبى
مش ممكن أبداً تتقلد
أم أحمد « صنعه مصريه »
* * *