هديّي

كانت زغيري والسما بْعيدي
وكانت تجبلي نجومها بْعيدي
وفي سني حبّيت إهديها
القمر
قام انكسَر وتجرّحت إيديْ

التلج

غَمزِت وقالت شابْ
شَعرك عالغنج؟
قلتَلها هَيدا وَهج روح
الشعر والقافيه
والتلج ما بينزل يا حلوي
التلجْ
إلاّ على روس الجبال العاليه.

المكتب التاني

مِين اللّي قَلّك تحت فِسطاني؟
كاتبتلَك شِعر وْغناني
قِلّي شِي ليلي تْسلّلو إيديكْ
يّما عينيكْ المكتب التاني؟