فساتين هندومة

كان، وهو يبسمل وعندما همّ بالدخول سمع صوت هندومة: صباح الخير يا شيخ عبد الله. استدار وردّ التحية مبتسماً. كانت هندومة واقفة في عرض الطريق، قبالة الدكان. لقد مضت بضع سنوات على معالجته لها من المسّ الشيطاني، وإذا كان لم ينجح كلياً إلا أنه استطاع بفضل الله، أن يخفف عنها حالة الصرع التي يسبّبها دخول الجني في الأنسي. شفت القمر مبارح يا شيخ عبد الله؟ قال الشيخ: إي شفتو... كان دقيق، دقيق، مثل طرف الظفر، لأنو بأولو، وكان واقف ع قرنو. وين واقف؟ قلتلك ع قرنو، وكان تعبان، تعبان... ليش تعبان؟ لأنو الحرب بدها توقع واليهود بدهن يجوا! لوين بدهن يجوا، ع كل المطارح. ابتسم الشيخ عبد الله وقال: ما تخافي، يا هندومة، اليهود ما بيجوا، أبداً، إذا إجوا لا سمح الله، بدهن ياكلوها بصرماية عتيقة. لم يرقها نفي الشيخ، لما قالت. وضعت يديها على خاصرتها، وقالت للشيخ ضاحكة: بصرماية مين بدهن ياكلوها، يا شيخ عبد الله؟ بصرمايتك إنت ولا بصرماية جرجورة؟