قراءة كتاب The Conuercyon of swerers (The Conversion of Swearers)
تنويه: تعرض هنا نبذة من اول ١٠ صفحات فقط من الكتاب الالكتروني، لقراءة الكتاب كاملا اضغط على الزر “اشتر الآن"
The Conuercyon of swerers (The Conversion of Swearers)
class="stanza">The worldly kynges hauynge the soueraynte
ye do well obey without resystence
ye dare not take theyr names in vanyte
But with grete honoure and eke reuerence
Than my name more hye of magnyfycence
ye ought more to drede whiche am kynge of all
Bothe god and man and reygne celestyall
No erthely man loueth you so well
As I do / which mekely dyde enclyne
For to redeme you from the fendes of hell
Takynge your kynde by my godhede dyuyne
you were the fendes I dyde make you myne
For you swete bretherne I was on the rode
Gyuynge my body my herte and my blode
Than why do ye in euery maner of place
With cruell othes tere my body and herte
My sydes and woundes it is a pyteous cace
Alas swete brederne I wolde you conuerte
For to take vengeaunce ye do me coherte
From the hous of swerers shall not be absent
The plage of Iustyce to take punysshement
¶Vnde. Ecclesiastici .xxxiii. Vir multum iurans implebitur iniquitate et non discedet a domo eius plaga.
A man moche swerynge with grete iniquite
Shall be replete and from his mancyon
The plage of vengeaunce shall not cessed be
Wherefore ye brederne full of abusyon
Take ye good hede to this dyscrypcyon
Come nowe to me and axe forgyuenes
And be penytente and haue it douteles
Augustinus. Non potest male mori qui bene vixit et vix bene moritur quimale vixit.
Who in this worlde lyueth well and ryghtwysly
Sall deye well by ryght good knowlegynge
Who in this worlde lyueth yll and wrongfully
Shall hardly scape to haue good endynge
I do graunte mercy but no tyme enlongynge
Wherfore good brederne whyles that ye haue space
Amend your lyfe and come vnto my grace
My wordes my prelates vnto you do preche
For to conuerte you from your wretchednes
But lytell auaylleth you nowe for to teche
The worlde hathe cast you in such blyndnes
Lyke vnto stones your hertes hathe hardnes
That my swete wordes may not reconsyle
Your hertes harde with mortall synne so vyle
Wo worthe your hertes so planted in pryde
Wo worthe your wrath and mortall enuye
Wo worthe slouth that dothe with you abyde
Wo worthe also inmesurable glotony
Wo worthe your tedyus synne of lechery
Wo worthe you whome I gaue free wyll
Wo worthe couetyse that dothe your soulse spyll
Wo worthe shorte Ioye cause of payne eternall
Wo worthe you that be so peruerted
Wo worthe your pleasures in the synnes mortall
Wo worthe you for whome I sore smerted
Wo worthe you euer but ye be conuerted
Wo worthe you whose makynge I repente
Wo worthe your horryble synne so vyolent
Wo worthe you whiche do me forsake
Wo worthe you whiche wyllyngely offende
Wo worthe your swerynge whiche dothe not aslake
Wo worthe you whiche wyll nothynge amende
Wo worthe vyce that dothe on you attende
Wo worthe your grete vnkyndenes to me
Wo worthe your hertes withouten pyte
Wo worthe your falshode and your doublenesse
Wo worthe also your corrupte Iugement
Wo worthe delyte in worldely rychesse
Wo worthe bebate without extynguyshment
Wo worthe your wordes so moche impacyent
Wo worthe you vnto whome I dyde bote
And wo worthe you that tere me at the rote
Blessyd be ye that
