قراءة كتاب A Lowden Sabbath Morn
تنويه: تعرض هنا نبذة من اول ١٠ صفحات فقط من الكتاب الالكتروني، لقراءة الكتاب كاملا اضغط على الزر “اشتر الآن"
اللغة: English
الصفحة رقم: 6
heid, An' then an' there Their hirplin' practice an' their creed Try hard to square.
It's here our Merren lang has lain, A wee bewast the table-stane; An' yon's the grave o' Sandy Blane; An' further ower, The mither's brithers, dacent men! Lie a' the fower.
Here the guidman sall bide awee To dwall amang the deid; to see Auld faces clear in fancy's e'e; Belike to hear Auld voices fa'in saft an' slee On fancy's ear.
Thus, on the day o' solemn things, The bell that in the steeple swings To fauld a scaittered faim'ly rings Its walcome screed; An' just a wee thing nearer brings The quick an' deid.
But noo the bell is ringin' in; To tak their places, folk begin;
The minister himsel' will shüne Be up the gate, Filled fu' wi' clavers about sin An' man's estate.
The tünes are up—French, to be shüre, The faithfü' French, an' twa-three mair; The auld prezentor, hoastin' sair, Wales out the portions, An' yirks the tüne into the air Wi' queer contortions.
Follows the prayer, the readin' next, An' than the fisslin' for the text— The
