لكين حا ابقى مانيش نفسى
وانا با اعشق جمال نفسى
وعشقاكى .. يا عامّيه
ما نيش حا ابقى كما شوقى ولا حافظ ولا ناجى
أنا با اعشق كلام بيرم
وكامل حسنى دا تاجى
أخاف ع الفصحى من بيرم
كلام شوقى هنا عندى
وبيرم قال على كامل
حايبقى خليفتى من بعْدى
وابويا ف الأدب كامل
وبيرم ف الزجل جدّى
ودا أصلى وتاريخى
وأقول الكلمة بتحدى
ولو يتباهوا بالفصحى
أنا حا اتباها بالبلدى
يا عامّيــــه
ح اشيلك راية ف إيدىّ
واشيلك كحلة ف عينىّ
يا لهجه حلوه مصريه
وفلاحى .. ونوبيّه
ولهجايه .. صعيديه
يا عامّية .. يا عامّيه
* * *