مسرحية زعيم بعد الخلع
صوت مذياع : وقد أفادت مصادر موثوقة أنه ونتيجة للضغط الشعبي المطالب بخلع الزعيم قد غادر الزعيم البلادعلى متن طائرة متوجها الى دولة صديقة كلاجئ سياسي .
المكان تبدو عليه الفخافة وتبدو الغرفة كمضافة – كنب ,سجاد ...-
تدخل مجموعة من الرجال يرتدون ملابس رسمية وبينهم شخص هو محرو اهتمامهم وتبدو عليه ملامح الشحوب والانبهار فيجلس على احدى الكنب
_ اضوي التلفزيون
_ سيدي انا ... انا آسف التلفزيون مش واصلّو كهربا
يرد بغضب:
_ مش واصلّو كهربا؟
محطوط منظر يعني؟!
_سيدي حكولنا انو عشان اعصابك ما تتعب ما في تلفزيون ولا نت ولا راديو حتى
_ همه شو دخلهم بأعصابي ؟
انا بعرف شو المناسب وشو اللي مش مناسب ما حد بتخذ قرار عني
وبعدين وين المسؤولين اللي هون ؟ ليش ما حدى استقبلني ؟
وين الرئيس وين الوزرة ؟ ليش ما حد استقبلني؟
_ سيدي حكولنا انو رح يتم ترتيب لقاء بينكم وبين ممثل عن الرئيس المضيف خلال اسبوعين
_ نعم نعم؟
خلال اسبوعين؟
وممثل عن الزعيم ؟
ولك شكلهم مش عارفين مين انا؟
_والله ياسيدي شكلهم عارفين,قصدي مش عارفين
_طيب اعطيني تلفون بدي ...
_ سيدي قبل ما اتكمل احزر شو؟
_ شو؟
_اخذو منا الموبايلات وموبايلك الخاص كمان.
وحظرو علينا استخدام اي وسيلة اتصال.
"فيقترب منه ويمسك بقميصه ويصرخ في وجهه"
_ صادروا الموبايلات ؟
زموبيلي الخاص وهمه عارفين انو الي؟
_سيدي همه اللي صادروهن مش انا
انا كمان اخذوا مبايلي اتصور!!!
"فيدفعه بقوة ويصرخ"
_اطلعو برة !
كلكم برة برة
"ويمشي الى الكرسي بتوتر "
_ معقول انا صاحي ؟
لا لا مش معقول انا ... انا اكيد بحلم
هاظ كابوس كابوس ورح ينتهي وبعد ما ينتهي رح انتقم من الكل
أه من الكل شعبي واصدقائي ومن صاحب هاظ البلد اللعين اللي استضافني عشان يذلني
رح انتقم من الكل , كل اللي غدروا فييه وتبرأوا مني
انا فخامة الزعيم المفدى وما رح تنطوى صفحتي بهالطريقة.
"فيدخل مرافقه "
_ سيدي في واحد من طرف الزعيم المضيف طلب انو يدخل عليك
"فيهيئ نفسه ويمسح وجهه"
_ خلي يدخل
_ مسا الخير
_اهلا شو بدك تحكي واختصر
_ في معي تعليمات من فخامة الرئيس بدنا ايك تلتزم فيها خلال هالأسبوع و...
"فيقاطعه"
_ تعليمات؟
تعليمات الي انا؟
"فيقترب منه خادمه"
_ سيدي هي تعليمات كلمة عاطلة؟
_ انتا اخرس ومتسمعنيش صوتك
المبعوث:
_ انا في عندي كم معلومة لازم اوصلك اياهم ممكن أكمل؟
"فيصرخ في وجهه"
_ لأ مش ممكن
انا ما حد بعطيني تعليمات فاهم؟
انا اللي بعطي التعليمات والأوامر وكل اشي
_ انا ما الي علاقة في الحكي اللي بحكيه انا بس رسول ممكن اتخليني اكمل هالورقة اللي بإيدي عشان أريحك من وجهي؟
_ حطها على الطاولة وانصرف برة
_ ماشي زي ما بدك
"فيضعها ويخرج وهو يهز رأسه"
_ سيدي خلص راح ابتقدر تقرأها هسه.