ديوان "بيتين وتنور"، الذادر عن مؤسسة دار الرحاب الحديثة في بيروت، وهو كتاب شعر باللغة المحكيّة للدكتور إياد قحْوش وهو أول كتاب شعر له. يتضمن الكتاب قصائد شعر مكثفة وقصيرة تخاطب الحياة والجمال والحرية والإنسان . نقرأ من أجواء الديوان:
نبيد اللون
أنت هنا
قراءة كتاب بيتين وتنور
تنويه: تعرض هنا نبذة من اول ١٠ صفحات فقط من الكتاب الالكتروني، لقراءة الكتاب كاملا اضغط على الزر “اشتر الآن"
اللغة: العربية
بيتين وتنور
الصفحة رقم: 2
ببيتين، ومرات بتلاته أو بيتين ومعُن ملحق بيت واحد، بيعرف يوصّل الفكره مُختَصَره ومُختزْنه كل شهقة الجمال.
الشعر هيك: حبْس المنجم كلُّو بِحَبّة لولو.
إذا الشعر صار فيه شرح كتير، بيصير خطابه. والشاعر اللي بيخطُب بالشعر بيضيّع الاتنين سوا: الشعر والخطابه.
لازم يكون الشعر لمعة برق، وتترك وراها ترَدُّدات رعد .
هيك القصيده: لَمعه، ومْضه، شهقِة حلا، وتتردَّد من بعدا رعشات الجمال متل ترَدُّدات الرعد.
هالأمر عرف إياد قحْوش يحترفو، ويبرع فيه.
من لقيّاتو الحلوه:
وينك؟خْزَقت الضوّ.. نَفَّد فَيّْ
وبالفيّ ماشفتك. شو إنتي خْيال؟
عملتلّك ضلوعي درَج من مَيّْ
تا كلّما نزلتي متْل شلال
دَرْجه ودَرْجه تطلعي عَ البالْ
أو
صارلو الشتي مْنِ دهور ع وراق الهوا
بيرسم سطورو... والسطور بينمَحُو
وما في وَلا شاعــر قبلما تنطـوى
الصفحَه قِدِر يكتب قصيده للصَحُو
وكتار بقصايد إياد قحْوش هالومضات الجميله اللي بتفاجئ، بتدهش.
والشعر مفاجأه وإدهاش، ومُبَاغتِه بالتركيب الْـ مش مأْلوف.
من هيك، بالقليل اللي بعرفو من شعر إياد قحْوش، تْسَنّالي أعرف كتيرو.
لأنو المبدع بالومضه السـريعه، بيعرف يكون مبدع بالومضات اللي متلا.
والموهبه اللي بتعطي صاحبا لَمعات الجمال، ما بيعود ينخاف ع باقي ومضاتو.
إياد قحْوش، تحياتي إلَك.
مطرحك بالشعر كلُّو ضَـوّ. خليك فيه.
وخلّي الضو دائماً يدهشنا ويباغتنا كل مره بومضه جديده.
هنري زغيب – 15 شباط 2008