كتاب "مشوار الحلا" الشعري، باقة ملونة من الغزل بالشعر المحكي الغنائي الذي يبعث فيك الفرح الحقيقي، ويسافر فيك إلى شاطئ الضوء والعطر، وبيادر القمح ومواسم الجمال .
أنت هنا
قراءة كتاب مشوار الحلا
تنويه: تعرض هنا نبذة من اول ١٠ صفحات فقط من الكتاب الالكتروني، لقراءة الكتاب كاملا اضغط على الزر “اشتر الآن"
اللغة: العربية
الصفحة رقم: 10
** عاشق الضيعة**
يا جايي من الغربة تزور الكرم و عرزال الناطور
هون الطبيعة شلال وعصفورة تغازل عصفور
بين الجوزة والنبعة شو غنى بصوتو الشحرور
ومَيّة أصفى من الدمعة من نبع الضيعة المسحور
عم تضوي متل الشمعة وريحتها ريحة بخور
قال الشاعر فيها قال من عينيها فاض النور
و يا محلا صوت الموَّال والدبكة تعقد وتدور
والسهرة ع سطوح الدار حكايات من الماضي سطور
ويا محلا جدي الختيار وستي تخبز ع التنور
نحنا كبار خلقنا كبار ورح نبقى بالعالي نسور