kobado,
mullion, guiya, nūrai, ŋundoba, burulu, muŋin, kānuŋo
di gombi.

baiame gīr giwīr gimobi; mal giwīr adam. baiame
goë: “kamil murruba giwīr ŋāndil ŋuddelago; ŋaia
giwīrgo īnar gimbille.” īla baiame īnar gimobi; mal
īnar īv: īv gulīr adamu.

adam buba murriŋu, buba wundaŋu, buba kānuŋo:
īv ŋumba murriŋu, ŋumba wundaŋu, ŋumba kānuŋo.

adam iv ellibu warawara yanani. kanuŋo giwīr
kānuŋo īnar warawara yanani, kānuŋo kagil ginyi.
baiame yili ginyi, goe, “kānuŋo giwīr, kānuŋo īnar
warawara yanani, kānuŋo kagil ginyi, ŋaia ŋārma bālu
bumāle.” immanuel, wurume baiameŋu, goe “kamil.
kamil ŋinda ŋārma bumala, ŋinda ŋunna bumala, ŋaia
balugi, giwīr īnar moron gigigo.”

immanuel ŋeanekūnda baiame: ŋerma baiame giwīr
ginyi. murruba immanuel; kamil ŋaragedūl murruba
yealokwai ŋerma.

īlambo immanuel taongo tai‐yanani, giwīr ginyi.
ŋērma gīr burula wībil murruba gimobi, burula mūga murruba
gimobi, burula mūga‐binna murruba gimobi.

giwīr
kair layāru. ŋerŋu bular boādi, māri, māta. layaru wibil
ginyi. bular boādi gurre wāala immanuelgo, goaldendai,
“ŋai daiadi, ŋinnu layaru, wibil.” kamil yanani immanuel.
Yerāla layaru balūni. bularbularo bābine bālūn
taonda. īla immanuel taiyanani. mari māta ellibu
yūgillona. immanuel goe, “ŋinnu daiadi yealo moron
gigi.” burula giwir burula inar yugillona. immanuel
daonmago yanani. yārul daonma kundawi; immanuel
goe “ŋindai ārul diomulla” ŋarma gīr yarul diome.
immanuel kākūldone “layaru taiyanuŋa.” ī layaru
moron ginyi, taiyanani. bular boadi burul guiyē.

ŋaragedūli miēdūl wībil ginyi; ŋumba boiyoi wune;
kamil miedul murruba ginyi; murru ginyi wibil, ŋullimun
balūni. buba yanani immanuel ŋummillego; gir
ŋummi; goe, “inda barai taiyanuŋa, murruba gimbildi
ŋai miedul. ŋai miedul burul wibil ŋullimun baluni;
inda taiyanuŋa ŋai kūndigo.” immanuel goe,
“ŋulle yanoai kundigo.” ila yanani bular
kundigo. ŋumba duri, yugillona, goe “ŋii! ŋii! ŋai
miedul baluni.” burula īnar yugillona goe “ŋii!
miedul baluni.” immanuel goe “kurria yūŋa. kamil
miedul baluni; yeal babillona.” burulabu gindami;
ŋārma gīr balundai wīnuŋi. immanuel murra kawāni
miedul, goe, “miēdūl waria.” īla miedul moron ginyi,
warine, gurre goe. ŋumba, buba ellibu, burul guiye.

ŋarageduli bular giwir mūga ŋuddelona turrubulda
immanuel aro yanani; bular muga wīnuŋi. kākūldone,
“immanuel, dūrunmi, wurume, dāvidu ŋummilla!
ŋurrāga ŋeane.” burula giwir goe “kurria! kurria
ŋindai kakūllego.” giwir muga yealo kakuldone
“durunmi, wurume davidu, ŋummilla! ŋurraga ŋeane.”

immanuel gīr bular muga murruba gimobi.

ila immanuel warine, goe “minna ŋindai goalle? minna
ŋaia murramulle?” ŋarma goe, “durunmi, wuna
ŋeane ŋummildai.” ila immanuel ŋarma mil tāmūlda:
baianbu ŋarma murru ŋummillego.

burula kagil giwir immanuel kunmulta. ŋarma
kaogo bindēa yulalle. ŋarma gir tulu wīmi, ŋaragedul
tulu ŋanbīr wimi: ŋarma gir immanuel wimi; murra
biru‐dūni, dinna biru‐dūni; tului wirri. ŋarma tulu
tiome, immanuel tului pindelundai. yerāla immanuel
baluni. yerala giwir pilari turrur duni; gue dulirri.

bullului ŋarma gir immanuel taonda wimi, kundawi.
immanuel ŋūru bābine balūn taonda; yealo malo babine
balun