يا مصر : يا شمسى
لـمّـا أحس ببرد ..
يا مصر : يا عزّى
يا صوت يهز الرعد
يا مصر : يا فرحى
يا نيل وشط وورد
يا مصر : يا بلدى
يا وردة فوق الخد ..
با اندّه أنا يا امّه
أنا حبى فاق الحد
* * *
فلاحة أنا يا امّه
جنســـيه مصـــريه
با اعشق أنا اللمّه
وحياتى حريه
وبا احب انا بلدى
وبا أقولها أغنيه
أسمعها أنا وولدى
ويقولها بعدىّ
وحياتنا دى أفراح
مليانة حنيه
والقلب طير مرتاح
يهوى الملاغيه
يا بحر كله هنا
إحنا مراكبيّه
يا مصر يا أُمنا
يا صافية النيه
با اندّه أنا يا امّه
سمْعانى يا عينىّ
* * *
يا مصر يا نسمه
حلوة معديه
يا مصر يا بسمه
يا ضحكه ورديه
يا مصر يا نعمه
شيلاها ف عينىّ
يا مصر يا شمعه
ومنورة لىّ
لو تعطشى يا امّه
دمى أنا ميّه
* * *