النسوان

النسوان يا لبنان صرلن شي عشر سنين
مش عم يجو من المعركي رجالُن
عم ينامو مع جبل صنّينْ
وعم يخلقو أطفال... لحالُن

بُسطجي

صارو إيديِّي عالسما شي بُسطجي
عا قد منّي رافِعن بالجوْ
وعا قد ما صلّيت لَحتى تجي
نِزِل الشتي.. من الضو..!

وَلوْ يا ألَّله..!

جايي عَ بالي حب حالي للعما..
ما عاد بدّي حب ألَّله البسّما
صرلي شي خمس سنين بترجّا
يردّنا لبعضنا.. ليلي.. كما..
كِنّا من زمان وجا
ولا يوم قلِّي آي
شو زاد دخلك عالسما
ها رَبْنا
بسْ خربَطْ حُبْنا
وشو جا..؟!