- تعال ولك، شوف شو جبت لك

 

- شو هاذ؟

 

- كمبيوتر صغير

 

وصلت كلماته إلى أسماع فوزية في الوقت الذي تركزت نظراتها على حجر زوجها، حيث كان مشغولا بمحاولة إدارة جهاز الكمبيوتر الصغير (لاب توب)

 

- شو هاذ يالله يرمل مرتك؟ احنا شبعنا الخبز تا نشتري كمبيوتر؟ قديش حقو هاذ يالله يعدمني اياك؟

 

قبل أن يجيب برهان صرخ يوسف بفرح: يا ألله !!! كمبيوتر؟ هذا إلي إلي؟ وفيه ألعاب وإنترنت يابا؟

 

لم يسمع جواب أبيه لأن والدته بدأت بصراخ هستيري: بقول لك فش عنا طحين بتقول لي كمبيوتر؟ يالله ريتني أموت تتريحوا وتريحوني· الله يفضحك، شو بدهم يوكلوا ولادك؟ كمبيوتر؟

 

قال برهان بصوت يشوبه خليط من العجز والحزن واللامبالاة: بس يا مرة تفضحيناش، خلّي الولد يفرحلوا شوي

 

- يفرح؟ عليش يفرح يا حريق الوالدين؟ أبوه انجن وبدوا يموتنا من الجوع؟ إشي بفرح هاذ ياللي ما بتعرف الله؟ طلقني· بقول لك طلقني هسّة هسّة !

 

بدأ صوت برهان يعلو تدريجيا ويفقد شيئا فشيئا نبرة اللامبالاة التي كانت تشوبه في البداية: