ديمهْ الزمان يطول عاللي ينتظرْ ..
وديمهْ المسافةْ اتْموَّحْ .
وديمهْ المكان يزول .. يمحاه القدرْ ..
وديمةْ الريح اتْطوَّحْ .
وديمةْ السحاب يغيب .. مايجود بمطرْ ..
لكن بعدها يروّحْ .
والليل ليه ظلام ..
ولولا الليل .. شن فايدةْ ضيّ القمرْ ..
والسيل ليه احْطامْ ..
ولولا السيل .. ما فاح في الدنيا زهرْ ..
مايدوم حال بحال .. ياولفتي ..
هاهُو سنا فجرك هَمَلْ .
وعُدنا بعد ترحال .. ياولفتي ..
وهانا ابْعَضْنا نحتفل .
مو بيدنا .. ولا إحنا اللي نختار .
ولا بيدنا .. قرب وبعاد الدار .
مغير الزمان غدار ..
هُو لّلي قسى وخدعنا .
وبعدما رحَمْ .. رجّعنا ..
سبحان ..
مصراتة 1994ف